Strasburgu: Forum Dinji għad-Demokrazija 2022 (L-Ewwel Parti)

Fil-qafas tal-10 edizzjoni tal-Forum Dinji għad-Demokrazija, ġew organizzati tlett attivitajiet ta’ poeżija slam fi Strasburgu t-8 ta’ Novembru 2022, biex jigi ċċelebrat d-diversità kulturali u lingwistika, kif ukoll l-impenn tagħna lejn id-demokrazija, bħala wieħed mill-valuri fundamentali.

L-avveniment kien jikkonsisti minn attivita fit-tram ta’ Strasburgu li jwassal għall-istituzzjonijiet Ewropej; prestazzjoni ta’ poeżija multilingwi fl-Emiċiklu tal-Kunsill tal-Ewropa; kif ukoll kunċert u sessjoni ta’ open mic fil-gallarija tal-arti lokali Phillippe Decorde.

L-ispettaklu maqsum f’tlett wirjiet involva artisti minn diversi pajjiżi Ewropej : Rachelle Deguara (Malta), Philippe Schockweiler (Lussemburgu) u Alice Neto de Sousa (Portugall), kif ukoll kontribut vidjo mir-raba’ artist, Léo Cario ( Franza).

Din  l-inizjattiva uriet il-ħila, it-talent u l-kreattività eċċezzjonali ta’ l-artisti, u ir-rikkezza kulturali tal-Ewropa. Serviet ukoll biex jiġi trażmett messaġġ b’saħħtu b’appoġġ għad-demokrazija quddiem pubbliku divers ħafna li jvarja mid-delegati u attivisti żgħażagħ tal-Forum, għal dawk li jħobbu l-arti, studenti, iż-żgħażagħ u l-pubbliku lokali.

L-avveniment kien organizzat mid-Delegazzjoni tal-UE għall-Kunsill tal-Ewropa, b’kollaborazzjoni ma’ erba’ membri tal-EUNIC Strasburgu: ir-Rappreżentanzi Permanenti ta’ Malta, il-Lussemburgu, u l-Portugall għall-Kunsill tal-Ewropa, kif ukoll l-‘Alliance Française’ fi Strasburgu.

Ir-Rappreżentanza Permanenti ta' Malta għall-Kunsill tal-Ewropa fi Strasburgu tixtieq tesprimi l-apprezzament u l-gratitudni tagħha lejn il-Kunsill Malti għall-Arti talli ġentilment sponsorja l-parteċipazzjoni ta' Malta f’dan l-avveniment.​