Sejħa għall-artisti fid-dawl tal-ħatra ta’ Malta fuq il-Kunsill tas-Sigurtà tan-Nazzjonijiet Magħquda
Navigate Up
Sign In

Sejħa għall-artisti fid-dawl tal-ħatra ta’ Malta fuq il-Kunsill tas-Sigurtà tan-Nazzjonijiet Magħquda

Numru ta' Referenza:  , Data ta' l-Istqarrija : Ġun 24, 2022
 

Fid-dawl tal-ħatra li Malta kisbet fid-9 ta’ Ġunju 2022 biex isservi għal terminu ta’ sentejn, bejn l-2023 u l-2024, fil-Kunsill tas-Sigurtá tan-Nazzjonijiet Magħquda, il-Ministeru għall-Affarijiet Barranin u Ewropej u l-Kummerċ qiegħed joħroġ sejħa għall-artisti sabiex jipproponu abbozz ta’ arti li jikkommemora din il-kisba storika fl-istorja tal-politika barranija ta’ Malta.


Il-Ministeru għall-Affarijiet Barranin u Ewropej u l-Kummerċ jemmen li permezz tal-arti, din il-kisba tista’ sservi sabiex pajjiżna jkompli jibni r-relazzjonijiet diplomatiċi tagħna u b’hekk inkomplu nsemmgħu leħinna għall-bżonn tas-saltna tal-paċi bejn ir-reġjuni kollha.


L-abbozz għandu jirrifletti t-tliet pilastri li Malta mexxiet ˈil quddiem fil-kandidatura tagħha sabiex tkun eletta f’dan il-Kunsill; Is-Sigurtà, Is-Sostenibbiltà u s-Solidarjetà. Wara li l-appikanti jkunu daħlu l-abbozz tagħhom, kumitat indipendenti se jkun qiegħed jagħmel l-għażliet tiegħu biex imbagħad l-abbozz rebbieħ ikun jista’ jiġi trasformat f’opra ta’ arti kompleta.


L-opra ta’ arti magħżula hi maħsuba li se tkun qed tiġi esebita f’bosta bliet barranin fejn hemm ambaxxati tal-Gvern Malti, fosthom fi New York, Brasilia, Beijing, Addis Ababa, Sydney u Ġinevra.

Is-sottomissjonijiet ta’ abbozzi għal din is-sejħa għandhom isiru kollha sa mhux aktar tard min-nofsinhar ta’ nhar il-Ġimgħa 30 ta’ Settembru 2022. Anness ma’ din l-istqarrija tinstab ukoll is-sejħa u l-applikazzjoni għal kull min hu interessat.

 

MFET Call for Artists - UNSC Objet d'Art


Application Form - Call for Artists UNSC Objet d'Art


Appendix A - Call for Artists UNSC Objet d'Art​